Go lora ka dimela tsa go jewa
Dimela dia fapana, gona le dimela tša go jewa le dimela tša go alafa gomme le dimela tša go kgabisha, ele ona mablomo. Go re re kgona go ka hlahloba toro ka dimela re tshwanelwa ke go kwešiša gore naa ke dimela tša mohuta mang tšeo o dibonago gare ga toro ya gago. Gape re hloka go tseba gore di be di itekanetše goba di sa itekanela naa. Seemo sa tšona dimela tšeo se ka re botša tše dintši ka molaetša woo toro e lekago go go tlišhetša ona.
Lehono re lebelela ditoro ka ga dienwya le merogo, tšona di ka re botša ka ga bokamoso bja gago le ka ga seemo sa bophelo bja gago. Go lora ka merogo go ka re botša sengwe ka go buna tšeo o bego o di šomela, gape go re botša ka mahlatse a gago. Dienywa di ka re botša ka tšeo ditlago bophelong bja gago. A re lekoleng fa:
GO LORA O BONA MEROGO
Go lora o bona tšhemo ya merogo, merogo ya gona e nonne ebile e kgahlisha ke toro ye botse gomme yona e ka emela dilo tše mmalwa. Go lora tšhemo ya merogo ya go nona le go kgahlišha e go botša gore tše di botse di tseleng, kgotlelela o kgone go buna tšeo o bego o di šomela bophelong bja gago. Gape toro ye e ka re botša gore mahlatse le dimpho di tseleng, gomme o emetše ke dilo tše di botse mo tseleng ya gago. Toro ya mohuta o e ka go kgothatsa gomme ya go gopotša gore Badimo le Modimo ga ba go furalela eupša ba dula ba go lwela ka mehla le ka matšatši.
GO LORA O BONA MEROGO YA GO OMA GOBA YA GO BOLA
Go lora o bona tšhemo ya merogo ya go oma goba ya go bola eka go botša gore o hloka go lekola seemo sa bophelo bja gago. Gape toro ye e go botša gore gona le se se sa lokang mo gare ga bophelo bja gago, e bowe gape e go botše gore o tlo aparela ke madimabe le lefifi kua pelo. O ka lehlegelwa ke se o se ratago goba wa kwa ditaba tša go nyamisha mabapi le tša bophelo bja gago. Gomme o ka humana ele gore o letetše diphetolo tša di projeke le mešomo, diphetolo tšeo di ka se kgahliše, bjale ema ka maoto o tšeye dikgato tša go thibela madimabe pela a go fihlela.
GO LORA KA DIENYWA
Naa go lora ka dienywa go ka laetša eng? Dienywa di akaretša diapola, dibanana, didrebe, diperekisi, ditamati le tše dingwe. Ge re hlahloba toro re hloka go thoma ka go kwišiša gore naa seemo sa dienywa tšeo se bjang. Naa di butšwitše goba ditala? Naa di bodile goba dia baba? Naa wena o ikwa bjang gare ga yona toro ya gago? A re lekoleng dienywa gare ga toro.
GO LORA O EJA DITEREBE (GRAPES)
Go lora o ja diterebe ge o le motho wa mosadi go ka go botša gore o tlo ima kua pele, gape go ka go botša gore mpa e setše e dutši gomme emela mpho yeo e tlago. Go lora o bona diterebe go ka go botša gore go na le yo mongwe kgaufi le wena yo a imilego, a sa tlogo go ima goba yoo a imišitšego. Goa kgonega gape le gore toro ya gago e go bontšhe motho yo o mo lorelago.
GO LORA O EJA DIAPOLA
Go lora o eja apola go ka re botša dilo tše pedi. Naa apola tšeo o bego o dija dibe dile monate? Naa dibe di butšwitše? Ge o lorile o eja diapola goba apola ya go bola seo se ka go botša gore madimabe a tlo go aparela kua pele, gomme go na le mathata ao o tlilego go kopana nawo mo tseleng ya gogo ya go phela. Toro ye e go botša gore o eme ka maoto o nyakišiše ka bophelo bja gago gore o pheme tše dibe tšeo ditlago.
Go lora o eja apola goba diapola tša monate, go ka go botša gore tše di botse di tseleng, ge o be o letetše phetolo mabapi le tša mešomo, toro ye eka go botša gore o letela ditaba tše di bose. Ge o be ole gare ga tshokolo toro ye e ka go botša gore lesedi le batametše, phumula dikeledi o ithinthe gobane dikeledi tša gago ga dia wela fase, mageloi a gago a go kwele gomme ba go bulela ditsela.
GO LORA O BONA DI ENYWA TŠA GO KGAHLISHA
Di enywa ka setlwaedi ke dijo tsa monate, gape di laetša puno ya go thabiša. Gomme le wena ge ona le mohlare wa di enywa o tlala lethabo ge o bona di mela ebile di butšwa o kgona go di kga le go dija. Go laetša gore mešomo ya gago e go patetše. Ke ka moo re ka rego toro ka di enywa tša go butšwa le go kgahliša e ka go botša gore menyetla ye botse e tseleng gomme mo matšatšing o ka kwa ditaba tša go thabišha. Toro ye eka go botša gore sela o bego o se rapelela le go se kgopela go Modimo le Badimo ba gena se tseleng. Empa gopola gore ga se ka mehla mo o ka humanago dilo tšeo o bego o dikgopetse, efela o ka fiwa monyetla wo o kago kgontšhago go phomelela le go fihlela ditoro tša gago.
Re fihlile bofelong bja tekolo ya rena ya ditoro tša go tlisha melaetša ka dimela. Re tshepha gore se se go tšwetše mohola. Gomme re holofela gore o tla fetiša temana ye go ba bangwe, le bona ba humane kwešišo.
